Оюуны спортын менежмент байгууллага, Монголын спорт өрөлтийн холбоо жил бүр Ази тивийн аварга шалгаруулах тэмцээнд шигшээ багаа бүрдүүлэн оролцдог билээ. Энэ удаагийн Азийн аварга шалгаруулах  тэмцээн БНХАУ-ын Далиан хотод аравдугаар сарын 24-26-ны хооронд зохион байгуулагдана. Манай улсаас энэ удаа 6-60 насны нийт 64 тамирчин 12 насны ангилалд ганцаарчилсан, хос болон багийн төрөлд өрсөлдөнө.

    Спорт өрөлт нь бүх насныхан хичээллэж болохоос гадна хоёр гарын ажиллагаа хэвийн хөгжлийн бэрхшээлтэй хүмүүс ч хичээллэх боломжтой спорт бөгөөд эдгээр тамирчдад зориулсан тусгай тэмцээн зохион байгуулагддаг. Шигшээ баг анх удаа тусгай тэмцээнд оролцох тамирчныг бэлтгэн оролцуулах гэж байна. Дашрамд дурдахад МСӨХ-ны шигшээ баг Хятад, Сингапур, Солонгос, Малайз Улсуудад зохион байгуулагдсан тэмцээнүүдээс ганцаарчилсан болон хосын, багийн төрөлд нийт 90 медаль хүртсэн амжилттай байна.