"Дарханы Төмөрлөгийн үйлдвэр" ХХК нийгмийн хариуцлагынхаа хүрээнд хичээлийн шинэ жилийг угтан ажилтан албан хаагчдынхаа 1-р ангид элсэн орж байгаа хүүхдүүдэд болон “Энэрэл” цогцолбор сургуулийн хүүхдүүдэд сурагч цүнх, хичээлийн хэрэгсэл гардуулан өгдөг уламжлалтай болжээ.

       Тус компанийн хамтын гэрээнд заасны дагуу ажилтнуудын 0-16 насны хүүхдүүдэд зориулан хүүхдийн баяр, хичээлийн шинэ жилийг тохиолдуулан ийнхүү дэмжлэг үзүүлдэг. Энэ жил компанийн ажилтнуудын 180 хүүхэд, Энэрэл сургуулийн 30 хүүхэд энэ дэмжлэгийг хүлээн авч хөөр баяр дүүрэн байна.

       Сургуулийн босгыг алхан, эрдэм номын их далайд хөл тавих гэж байгаа бяцхан багачууддаа амжилт хүсье. Монгол Улсын металлургийн салбарын анхдагч болоод хамгийн том ган үйлдвэрлэгч “Дарханы Төмөрлөгийн үйлдвэр” ХХК-д нийт 1500 гаруй хүн ажиллаж эх орондоо баялаг бүтээж байна.