Бүгд Найрамдах Турк Улсын Самсун хотод жүдо бөхийн өсвөр үеийн олон улсын тэмцээн зохион байгуулагдаж байна. Тус 21 дэх удаагийн Хар тэнгисийн аварга шалгаруулах олон улсын тэмцээнд “Кейко дожо”-ны баг тамирчид өрсөлдөж байна. Тус тэмцээн наймдугаар сарын 23-25-ны өдрүүдэд гурван насны “Super juniors-2015-2016”, “Juniors-2013-2014”, “Stars-2011-2012” төрсөн хүүхдүүдийн ангиллаар зохиогдож байгаа юм. Тэмцээний хоёр дахь өдөр “Juniors 2013-2014” насны ангиллын охидын 52 кг-ын жинд Өвөрхангай аймгийн Хархорин сум “Хангай” жүдо бөхийн клубийн тамирчин Бат-Эрдэнийн Маргад хүрэл медаль хүртлээ.