Болгар Улсын Софи хотод 2025 оны наймдугаар сарын 27-31-ний өдрүүдэд жүдо бөхийн өсвөр үеийн дэлхийн аварга шалгаруулах тэмцээн зохиогдох гэж байна. Энэхүү тэмцээнд манай таван дасгалжуулагч 20 тамирчин нийт 25 хүний бүрэлдэхүүнтэй оролцохоор мэдүүлжээ.

    Манай баг, тамирчид өнөөдөр буюу наймдугаар сарын 24-ний өдөр Болгар Улсыг зорих ба Монголын жүдо бөхийн холбооны ерөнхийлөгч, УИХ гишүүн Х.Баттулга,  “Хөргөлт сервис” ХХК-ийн захирал нар баг тамирчдад тэмцээндээ амжилттай оролцохыг хүсэн бэлтгэлийн хувцасыг гардуулан өглөө. Бэлтгэлийн хувцасыг “ХӨРГӨЛТ СЕРВИС ХХК” 25 жилийнхээ ойн хүрээнд нийгэмд чиглэсэн үйл ажиллагаа хийхээр төлөвлөсны дагуу өсвөрийн шигшээ багт маань дөрвөн хос бэлтгэлийн хувцас бэлэглэсэн юм.