Монголын ахмад мастеруудын биеийн тамир, спортын IX наадмын нээлт Дархан-Уул аймгийн төв Дархан хотод өчигдөр боллоо. Тэмцээний нээлтийн үйл ажиллагаанд Дархан-Уул аймгийн Захирагчийн орлогч Я.Бат-Очир, Монголын мастеруудын биеийн тамир, спортын хорооны дарга МУГД Ч.Наранбаатар, Монголын ахмадын хорооны дарга МУГЭЗ Ц.Сүхбаатар, ОХУ-ын Буриадын спортын яамны Үндэсний спортын зөвлөлийн дарга Баярдашевч нар оролцлоо.

    Тэмцээнд 37 байгууллагын 1255 тамирчид спортын найман төрлөөр наймдугаар сарын 23-24-ний өдрүүдэд Дархан хотын Спортын ордон, Дархан сумын Спортын ордон,  “Дархан Юнайтед Арена”, ХААИС-ын спорт заал, Миний Монгол цэцэрлэгт хүрээлэнгийн хөл бөмбөгийн талбайд тус тус зохион байгуулагдана.