Ховдын аймгийн Булган суманд волейболын ОУХМ Л.Баатархүрээгийн нэрэмжит МВХ-ны ахмадын улсын аварга шалгаруулах тэмцээн үргэлжилж байна. Ахмадын УАШТ 2025 оны наймдугаар сарын 20-25-ны өдрүүдэд болж өндөрлөх юм. Энэ удаагийн ахмадын УАШТ-д  65 ахмадын баг оролцож байгаа нь өргөн дэлгэр олон баг, тамирчид оролцож байгааг харууллаа. Волейболын спортын алтан үеийн ах эгч нар, гавьяат тамирчид, олон улсын хэмжээний мастеруудаас бүрдсэн олон сайхан волейболчид УАШТ-д өрсөлдөж байна.