Сагсан бөмбөгийн 3х3-ын “UB Amazons” баг маань Францын Бордо хотод болсон “WS Bordeaux stop” тэмцээнээ 7-р байраар өндөрлүүлэв. Тэд хэсгийн тоглолтод  Тайландын багийг О.Хулангийн хожлын шидэлтээр 22:20-оор ялан, дараа нь талбайн эзэн багт 14:16-гийн харьцаатай ялагдал хүлээснээр хэсгээсээ 2-р байраар шалгарсан.

     Харин шөвгийн наймд Канадчуудтай учраа тааран, 21:12-оор хожигдож тоглолтоо дуусгалаа. Манай багийн аялан тоглолтууд нэлээн ачаалалтай байгаа болохоор тамирчид маань  ядралттай л харагдлаа. Манай багийн дараагийн зогсоол наймдугаар сарын 29-30-ны өдрүүдэд Унгарын Дебрецен хотод болох цуврал тэмцээн байх юм.