Чөлөөт бөхийн “U20” ангиллын залуучуудын дэлхийн аварга шалгаруулах тэмцээн Болгар Улсын Самаков хотод наймдугаар сарын 17-24-ний өдрүүдэд үргэлжилж байна. Тус ДАШТ-ий эмэгтэйчүүдийн 68 кг-ын жинд Эрдэнэбатын Одзаяа хүрэл медаль хүртлээ. Тэрбээр эхний тойргийн барилдаанд Өмнөд Солонгосын Сон  Ёон Бүгийг 10:0-ээр цэвэр, хоёрдугаар тойрогт Хятадын Кью  Вэн Жингийг 11:00-ээр цэвэр, гуравдугаар тойргийн барилдаанд Анголын Мавунгуг 10:0-ээр мөн л цэвэр ялжээ. Харин хагас шигшээ барилдаанд Японы Хошиног 5:4-өөр илүүрхэж яваад алдаа гарган цэвэр даруулсан байна.  Хүрэл медалийн төлөөх барилдаанд Украины Олександраг 9:8-аар ялж "U20" ангиллын дэлхийн аваргын хүрэл медальтан болжээ.

Медаль хүртсэн тамирчид:

Японы Хошино алт,

Энэтхэгийн Сришти мөнгө.

Монголын Э.Одзаяа хүрэл.

Бразилын Родригес Батиста хүрэл медалт тус тус хүртсэн байна.