Нийслэлийн Засаг даргын харьяанд үйл ажиллагаа явуулдаг Монголын хүүхдийн ордны Спортын цогцолборын зураг, төсөл гарч, баригдахад бэлэн болсон байна. Монголын хүүхдийн ордны зүүн талд баригдах таван давхар бүхий  “Спорт цогцолбор”-т хүүхэд, багачууд, өсвөрийн тамирчид 10 гаруй спортын төрлөөр хичээллэх заал, танхим, тоног, төхөөрөмж, хэрэгсэл, материал бүхий иж бүрэн орчин нөхцөл бүрдэнэ.

       Өчигдөр нийслэлийн ерөнхий боловсролын Спортын төв сургууль болон Монголын хүүхдийн ордны удирдлагын уулзалт, ярилцлага зохион байгуулагдлаа. Хоёр байгууллагын хооронд хамтын ажиллагааны гэрээ байгуулж, хамтарсан ажлын хэсгүүдийн хүрээнд олон хэлбэрийн ажлуудыг хамтран хийхээр тохиролцлоо.