Хөнгөн атлетикийн насанд хүрэгчдийн дэлхийн аварга шалгаруулах тэмцээн ирэх есдүгээр сард Япон Улсын Токио хотод эхэлнэ. Энэ удаагийн ДАШТ-д гавьяат тамирчин Б.Сэр-Од, 12 дахь удаагаа уралдах эрх авсан. Түүнээс гадна ОУХМ Ц.Бямбажав , эмэгтэйчүүдийн марафон гүйлтэд ОУХМ Б.Мөнхзаяа, ОУХМ Г.Хишигсайхан нар ДАШТ-д өрсөлдөх эрхээ аваад байна.  Дэлхийн 200 гаруй орны баг тамирчид 49 багц медалийн төлөө өрсөлдөх энэхүү томоохон тэмцээнийг есдүгээр сарын 13-21-ний өдрүүдэд “Централ” ТВ Монгол орон даяар албан ёсны онцгой эрхтэйгээр шууд дамжуулан хүргэх юм байна.