Батлан хамгаалах яамны зэвсэгт хүчний 326 анги, “Алдар” спорт хорооны тамирчин, чөлөөт бөхийн цэргийн дэлхийн аварга, Доржсүрэнгийн Цогзолмаа энэ өдөр мэндэлжээ. Тэрбээр 2001 оны наймдугаар сарын 20-ны энэ өдөр Хөвсгөл аймгийн Галт суманд төрсөн. Түүнийг таван  настай байх үед гэр нь  Дорноговь аймгийн Замын-Үүд рүү нүүсэн юм билээ. Д.Цогзолмаа чөлөөт бөхөөр 16 настай байх даа хичээллэж эхэлсэн. Тэр 2023 онд Азербайжан Улсын Баку хотод болсон цэргийн ДАШТ-ээс алт,   Киргизстан Улсын Бишкек хотод болсон “U23” насны ангиллын  Азийн аварга шалгаруулах тэмцээнээс хүрэл медаль хүртээд байгаа. Манай улсын эмэгтэй хүнд жингийн ирээдүй болсон тамирчдын нэгэн билээ.