“Оюуны наадам-2025” улсын аварга шалгаруулах тэмцээн амжилттай зохион байгуулагдаж өндөрлөжээ. Тус УАШТ-д Улаанбаатар болон орон нутгийн 33 салбараас шалгарсан шилдэг 118 тамирчин оюуны хурд, хүчээ сорин өрсөлдсөн байна. Монголын оюун ухааны академийн Багануур салбарын Боловсрол сургуулийн сурагч О.Наранзул нийт 9636 оноо авч улсын аварга болж, дэлхийн таван шинэ дээд амжилтыг тогтоожээ.

Дэлхийн дээд амжилтууд:

1. Олон багц хөзөр — 587 хөзөр (11 багц 15 ширхэг) — Дэлхийн рекорд

2. Тооны марафон (15 мин) — 1278 цифр — Өсвөрийн дэлхийн рекорд

3. Хурдны тооны марафон (5 мин) — 538 цифр — Өсвөрийн дэлхийн рекорд

4. Хийсвэр зураг — 983 зураг — Өсвөрийн дэлхийн рекорд, Улсын рекорд

5. Хоёртын тоолол — 1800 цифр — Дэлхийн рекордыг тус тус тогтоосон байна.

О.Наранзулын энэхүү амжилт нь зөвхөн Монголын оюуны спортын төдийгүй дэлхийн ой тогтоолтын түүхэнд шинэ хуудас нээлээ.