Олон улсын таеквондогийн Монголын холбооны шилдэг шүүгч, дасгалжуулагч, тамирчид 2025 оны наймдугаар сарын 18-ны өдөр олон жилийн хийсэн бүтээсэн амжилт, гавьяагаа үнэлүүлж төрийн дээд шагналууд хүртэхээр болжээ. Олон шүүгч М.Ариунболд, дэлхийн аварга ОУХМ М.Мөнхжаргал, дэлхийн аварга, дасгалжуулагч, ОУХМ Н.Нэргүй нар “Алтан гадас” одонгоор, дэлхийн аваргын мөнгөн медальт, ОУХМ Г.Уранбилэг, дэлхийн аварга, ОУХМ Б.Отгонбаяр нар “Хөдөлмөрийн хүндэт медаль” хүртэхээр болжээ.