Хятад Улсын Хандан хотод сагсан бөмбөгийн “U23” ангиллын “FIBA 3x3 Youth Nations League-2025” тэмцээн үргэлжилж байна. Тус лигийн тэмцээн наймдугаар сарын 11-17-ны өдрүүдэд үргэлжилж өндөрлөх юм. Өчигдөр наймдугаар сарын 16-ны өдөр лигийн тэмцээний “Stop-5” зогсоолын тоглолт болов. Манай эрэгтэй баг “В” хэсэгт Иран, Японы багтай тоглолоо.  “Stop-5”-ын эхний тоглолтод Ираны багт 22:18-аар, хоёр дахь тоглолтод  Японы багт 22:14-өөр хожигдов. Финалд Хятад, Японы багууд хоорондоо тоглож 21:19-өөр Хятадын баг түрүүллээ.  Манай эрэгтэй баг “FIBA 3x3 Youth Nations League-2025” тэмцээний зургаан “Stop”-ын гурван зогсоолд нь түрүүлж, нийлбэр дүнгээр аварга болох нь тодорхой боллоо.