"Олимп-Эв нэгдэл" аймаг, дүүргийн удирдах ажилтны чуулга уулзалт эзэн Чингисийн өлгий Хан Хэнтий аймагт амжилттай зохион байгуулагдаж өндөрлөлөө.  Монгол орны өнцөг булан бүрээс хуран чуулсан спорт олимпизмын их гэр бүлийн гишүүд маань сургалт семинарт оролцож, харилцан бие биенээсээ туршлага судлахаас гадна Хэнтий аймгийн байгалийн үзэсгэлэнт газруудаар аялаж, мартагдахааргүй дурсамжийг хамтдаа бүтээлээ.

        Спорт олимпизмыг хөгжүүлэхийн төлөө хамтран зүтгэгч Хэнтий аймгийн “Сент Луис” олимпын зөвлөл, БТСГ-ын хамт олон олсон амжилтаа бататгаж, спорт, олимпизмыг орон нутагт хөгжүүлэх үйлсдээ улам их амжилт гаргаж, хурднаас хурдан, өндрөөс өндөрт, хүчтэйгээс хүчтэй, хамтдаа байхаа илэрхийллээ.