“Олимп–Эв нэгдэл” чуулга уулзалтын баг Хэнтий аймгийн Батноров суманд ажиллав. Батноров сум нь Хэнтий аймгийн зүүн хойд хэсэгт байрладаг бөгөөд уул уурхай, мал аж ахуй давамгайлан хөгжсөн хүн ам олонтой сум юм.Тус сум нь Монгол адууны өв соёлоо тээгч, түгээн дэлгэрүүлэгч нутаг бөгөөд уран дархны алдарт хийц болох Батноров хийцийн өлгий нутаг гэдгээр алдартай билээ.

     Батноров сумын Засаг дарга асан Г. Тайванжаргал санаачлан иргэд, нутгийн бизнес эрхлэгчдийн хандив тусламжаар 2018 онд спорт зал бариулсан нь өнөөдөр Батноровчуудыг биеийн тамир, спортоор идэвхтэй хичээллэх нөхцөл боломжийг бүрдүүлжээ. Үүний үр дүнд Батноровчууд спортын амжилтаараа аймагтаа тэргүүлж байгаа бөгөөд өсвөрийн волейболчдын зуны сургалт хичээллэж байгаатай бид таарч уулзалт ярилцлага хийлээ.