Хятад Улсад сагсан бөмбөгийн “FIBA 3x3 Youth Nations League 2025” залуучуудын “U23” ангиллын тэмцээн наймдугаар сарын 11-17-ны өдрүүдэд үргэлжилж байна. Манай улсын эрэгтэй баг, “Stop-1” болон “Stop-2” түрүүлсэн. Харин “Stop-3”-т эцсийн мөчид Японы багт хожидсон билээ. Өчигдөр манай эрэгтэй баг “Stop-4”-ийн “А” хэсгийн тоглолтоо хийлээ. Эхний тоглолтод Казахстаны багийг 21:5-аар, хоёр дахь тоглолтод Малайзын багийг 21:14-өөр хожив. Улмаар “Stop 4”-ийн аваргын төлөө Иран Улсын багийг 20:19-өөр буулган авч түрүүллээ. Азийн "U23" лигийн эрэгтэй багуудын "В" хэсэгт үнэхээр гал гарсан өрсөлдөөн өрнөсөн байна.Хятад, Ираны багийг 21:20-оор,  Иран: Японыг 21:18-аар, Япон Хятадыг 21:19-өөр хожиж, "В" хэсгээс Ираны баг шалгарч гарсан. Харин Монгол Улсын багт, Ираны баг 20:19-өөр хожигдов. Ийнхүү манай баг "Stop-1",  "Stop-2" болон "Stop-4" түрүүлээд байна. Лигийн тэмцээн маргааш өндөрлөнө.