Сонсголын бэрхшээлтэй иргэдийн "Чимээгүй олимп" хэмээх нэрлэгддэг дифлимпийн наадам Япон Улсын Токио хотод болох гэж байна. МҮОХ-ны ерөнхийлөгч Б.Баттүшиг  “Токио 2025” зуны XXV дифлимпын наадамд Монгол Улсаа төлөөлөн явах баг тамирчид удирдлагуудыг хүлээн авч уулзлаа. Дифлимпын баг, тамирчдыг анх удаа МҮОХ хүлээн авч уулзаж байгаа юм.

     МҮОХ-ын ерөнхийлөгч Б.Баттүшиг “Токио-2025” дифлимпын тэнгэрт Монгол Улсын төрийн алтан соёмбот далбаа намирахыг хүсэж дифлимпын тамирчдад нээлтийн хувцас болон мөнгөн дэмжлэг үзүүлж баг тамирчдад итгэл, сэтгэлийн маш том урам зориг өглөө.