"Олимп–Эв нэгдэл" чуулга уулзалтын ээлжит арга хэмжээ өнөөдөр Хэнтий аймгийн Норовлин суманд амжилттай үргэлжилж байна. Хэнтий аймгийн зүүн хойд хэсэгт орших, түүхэн дурсгалт байгалийн үзэсгэлэнт газруудаар алдартай Норовлин сум нь мал аж ахуй, газар тариалан хослон хөгжсөн, спортын амжилтаараа аймагтаа тэргүүлдэг сумдын нэг юм.

    Хэнтий аймгийн “Сент Луис” олимпын зөвлөлөөс хүүхэд багачуудад олимпын боловсрол олгох зорилгоор цэцэрлэгүүдэд олимпын танхимыг шинэчлэн байгуулсан билээ. Өчигдөр Норовлин сумын Ө. Алтанзул эрхлэгчтэй хүүхдийн цэцэрлэгийн олимпын танхимын үйл ажиллагаатай танилцаж, орон нутагт хүүхэд багачуудын биеийн тамир, спортоор хичээллэх боломжийг нэмэгдүүлэх зорилгоор спортын хэрэгсэл гардуулан өглөө.