"Олимп-Эв нэгдэл" чуулга уулзалт Хэнтий аймгийн "Дадал" суманд үргэлжилж байна. Хэнтий  аймгийн хэмжээнд спорт-олимпизмыг түгээн дэлгэрүүлэх зорилготойгоор зохион байгуулагдаж байгаа тус уулзалт Дадал сумын спорт ордонтой танилцаж, өсвөрийн волейболын тамирчдын уулзалтаар үргэлжилж байна.

      Чуулга уулзалтын үеэр, Хэнтий аймагт биеийн тамир, спортыг хөгжүүлэх, олимпын хөдөлгөөнийг сурталчлах үйлсэд оруулж буй хувь нэмрийг үнэлж, Олон улсын олимпын хорооны гишүүн, Монголын үндэсний олимпын хорооны ерөнхийлөгч Б. Баттүшигийн шийдвэрээр аймгийн Засаг даргын зөвлөх, спортын мастер Г. Тайванжаргал, Биеийн тамир, спортын газрын дарга, “Сент Луис” олимпын зөвлөлийн арга зүйч Г. Солонго нарыг МҮОХ-ны дээд шагнал "Алтан Очир" одонгоор, аймгийн Засаг дарга Д. Аюурбунь, БТСГ-ын мэргэжилтэн Б. Баатархуяг нарыг "Олимпын-Алдар" одонгоор тус тус шагналаа.