Тусгай олимпын өвлийн наадмын сүүлийн өдрүүд цаг агаарын хүндэвтэр, үзэгдэх орчин хязгаарлагдмал орчинд явагдаж байна. Тэр дундаа манай цасны гуталтай гүйлтийн тамирчдын хувьд тэсвэр тэвчээр, анхаарал, мэдрэмж шаардсан мөчүүд болжээ. Гэсэн хэдий ч МТОХ-ны тамирчин Өвөрхангай аймгийн харьяат Б.Буянтогтох  олимпын алтан медаль хүртсэн байна. Тэрбээр хувийнхаа амжилтыг ахиулан, амжилттай оролцож 400 м-ийн зайн тусгай олимпын аварга болжээ.