Франц Улсын нийслэл Парис хотноо паралимпын наадам өчигдөр долоо дахь өдрөө амжилттай үргэлжилсэн. Манай тамирчин олон улсын хэмжээний мастер, тэргэнцэртэй гүйлтийн тамирчин П.Энхманлай өчигдөр “T-53” ангиллын тэргэнцэртэй гүйлтийн 100 м-ийн зайд уралдсан юм. Тэрбээр энэ төрөлд аравдугаар байр эзэлж, тэмцээнээ өндөрлүүллээ. Түүний өрсөлдсөн төрөлд нийт 10 тамирчин оролцсон юм.” T53” ангилал нь биеийн доод хэсэг, хөлийн хөдөлгөөний хувьд бэрхшээлтэй хүмүүсийг хамааруулдаг тэргэнцэртэй ангилал аж. Эдгээр тамирчид зөвхөн мөр, гарын хүчийг ашиглан уралддаг бөгөөд тэргэнцэрийн урд дугуйн чиглэлийг өөрчлөхийн тулд гараа оролцуулдаг онцлогтой.