Монголын спортын хөгжилд сэтгэл, зүтгэл гаргаж, үнэтэй хувь нэмэр оруулан, чөлөөт бөхийн спортыг дэмжиж яваа, Монголын чөлөөт бөхийн холбооны санхүү хариуцсан дэд ерөнхийлөгч Н.Батсайхан өөрийн байр суурийг илэрхийлж, МЧБХ-оос гарч байгаагаа мэдэгдлээ. Тэрбээр өөрийн цахим хуудаст ийнхүү бичсэн байна.

          “Сүүлийн нэг жил хагасын хугацаанд Монголын чөлөөт бөхийн холбоонд орж санхүү хариуцсан дэд ерөнхийлөгчөөр ажил хийхийг оролдож үзлээ. Намайг санхүү хариуц гэсэн хэрнээ, данс тайлан тооцоо , төсөв төлөвлөгөө юунд ч оролцуулахгүй. Бүх зүйлийг нууцална. МЧБХ-ны ерөнхий нарийн бичгийн дарга, ямар ч шийдвэр гаргаж чаддаггүй. МЧБХ-ны ерөнхийлөгч нь үнэхээр бүтэхгүй, болохгүй юм байна. Шударга бусын туйл болсон хүмүүс МЧБХ-ны удирдах зөвлөл гэгч хүмүүсийн энэ байдлыг ойлгоод шантарлаа. Сүүлийн арав гаруй жил хууль бусаар, МЧБХ-г хувийн байгууллага шигээ санаж авч явсан хэдэн, хэсэг бүлэг хүмүүс байдаг юм байна.

      Эцэс сүүлдээ хууль бус мэрэгжлийн зөвлөл нэртэй байгууллагын хэн ч томилоогүй хүмүүс, хаалгаар хөөгдөж гарсан МАН-ын балинч ороод ирлээ. Тэр очсон газар болгоноосоо хөөгдөж будилуулж явдаг.  Бу.Батбаяр гэх үл бүтэх нөхөр төрсөн ахынхаа дэмжлэгтэйгээр чөлөөт бөхийг самрах гэж буцаж тооноор орж ирлээ.

Миний хувьд нэлээд олон санхүүжилтыг багш тамирчдад хийсээр ирсэн.

1. Монголд болсон Ази тивийн аваргын тэмцээнд 30 сая төгрөг.

2. Залуучуудын тэмцээнд багш, шүүгч тамирчдад зургаан сая төгрөг.

3. АНУ-д болсон дэлхийн цомын тэмцээний байр хоолонд зургаан сая төгрөг.

4 .Дэлхийн цомын аваргын эмэгтэй багт 11 сая төгрөг.

5. “Аваргууд академи”-ийн үйл ажиллагааны зардалд нийт 110 сая төгрөг гаргаад байна.

Цаашид ч чөлөөт бөхийн хөгжлийн төлөө ихийг хийж бүтээхийг зорьж байлаа.

          Миний хувьд уул уурхай, улс төр, элдэв тендер гээд бүх зүйлээс хол. Өөрийн босгосон бизнес, гэр бүл хамт олны хүчээр олсон ашигаас чөлөөт бөхийн хамт олонд зарцуулсаар ирсэн. Цаашдаа ийм цайсан нам дагаж долдойдсон удирдах зөвлөл нэртэй чөлөөт бөхийг хорлож байгаа хүмүүстэй цуг байх ямар ч орон зай үлдсэнгүй ээ. Зөвийг зөвлөж, ажил хийх тухай ярихад дэмжих хүн үнэндээ байдаггүй юм байна.

     Ямар нийгэм , ямар хачин хүмүүс гэхээрээ ийм байдаг юм бол. Одоо бүүр манай байгууллагатай гэрээ хийсэн мэтээр улсаас 144 сая төгрөгийг зургадугаар сарын 6-ны өдрийн А/69 тоот тушааалаар БТСГ-аас гаргуулж авсан байх юм. Эхний мөнгөний идэж уусан асуудалдаа тайлбар хийгээгүй. Тийм байхад БТСГ-аас дараагийн санхүүжилтыг өгөөд байдаг нь бас хачин. Хамт идэж уудаг гэх хардлагыг надад төрүүлж байна. Иймээс энэ мэт хууль бус хууль дүрэм, журамгүй хүмүүстэй цаашид Монголын чөлөөт бөхийн спортын төлөө ажиллах боломжгүй гэдгээ үүгээр мэдэгдэж байна” гэж бичсэн байх юм.