Монгол Улсын жүдо бөхийн Үндэсний шигшээ багийн тамирчид “Masters 2023” тэмцээнд оролцоно. Энэ удаагийн “Мастерс 2023” тэмцээн наймдугаар сарын 4-6-ны хооронд Унгар Улсын нийслэл Будапешт хотноо болох юм. Жин болгоны дэлхийн чансааны эхний 36-д ранклагдсан тамирчид тус тэмцээн оролцон барилдах эрхтэй. Манай жүдочдоос  эмэгтэйчүүдийн -70, -78, эрэгтэйчүүдийн 90 кг жингийн дэлхийн чансааны эхний 36-д  эрэмбэтэй тамирчин харамсалтай нь байсангүй. Жүдо бөхийн тамирчдаас “Мастерс”-ийн 11 жинд 18 тамирчин орох боломжтой байгаа хэдий ч  57 кг-ын жингийн хоёр тамирчин барилдах мэдүүлэг одоохондоо өгөөгүй байна.