Завхан аймгийн Тосонцэнгэл сумын уугуул Монгол Улсын гавьяат тамирчин, Монгол Улсын Дархан мэргэн Ш.Даваахүүгийн нэрэмжит 2023 оны холимог багийн улсын аварга шалгаруулах тэмцээн боллоо. Тус тэмцээний тэргүүн байрт Б.Нямбаяр ахлагчтай Дорнод аймгийн баг оров. Хоёрдугаар байрт гоц мэргэн Д.Чулуунбат ахлагчтай Ховд аймгийн шигшээ баг, гуравдугаар байрт гоц мэргэн харваач Н.Алтансүх ахлагчтай Баян-Өлгий аймгийн баг шалгарав. Харин дөрөвдүгээр байрт Монгол Улсын даяар дуурсах мэргэн Л.Отгонбаяр ахлагчтай Орхон аймгийн “Хангарьд” спорт хорооны баг, тавдугаар байрт Д.Ууганбат ахлагчтай “Хилчин” спорт хорооны “Есүхэй мэргэн” баг тус тус орсон байна.