Булган аймгийн Тэшиг суманд ирэх оны нэгдүгээр сарын 6-7 –ны өдрүүдэд "Анхдагчдын цом-2023" гүйлтийн цанын аварга шалгаруулах нээлттэй тэмцээн болно. Шинэ оны анхны тэмцээнийг Булган аймгийн ЗДТГ, Тэшиг сумын ЗДТГ, Монголын цанын холбоо, Хилийн цэргийн 0286 дугаар анги хамтран зохион байгуулан явуулна.

        Тус тэмцээн өсвөр үе, насанд хүрэгчдийн ангиллаар явагдах юм. Өсвөр үеийн тэмцээн 10 хүртлэх нас, 11-12 нас, 13-14 нас, 15-16 нас, 17-18 нас, багийн буухиа тэшилтийн тэмцээнээр болно. Харин насанд хүрэгчдийн тэшилтийн тэмцээн 19-25 нас, 26-36 нас, 37-оос дээш нас, багийн буухиа тэмцээний төрлөөр явагдах юм.