Шри Ланка Улсын Калатура хотноо 2022 оны арванхоёрдугаар сарын 3-11-ний өдрүүдэд "2022 оны сурагчдын Ази тивийн аварга шалгаруулах өсвөрийн шатарчдын тэмцээн" зохион байгуулагдаж байна. Шатрын 2022 оны сурагчдын Ази тивийн аварга шалгаруулах тэмцээнээс манай өсвөрийн шатарчид 14 медаль хүртлээ.

       Тус тэмцээнд 13 орны 410 тамирчин өрсөлдөж байна. Манай улсаас Монголын шатрын холбооны удирдах зөвлөлийн гишүүн Х.Эрдэнэдоржоор ахлуулсан 22 өсвөрийн тамирчин, таван дасгалжуулагч, эцэг эхийн төлөөлөл хоёр хүн, нэг шүүгч, нийт 31 хүний бүрэлдэхүүнтэйгээр энэ удаагийн сурагчдын Ази тивийн аварга шалгаруулах тэмцээнд оролцсон юм байна.