Дэлхийн цомын тэмцээнд Монголын эмэгтэй бөхчүүд Япон Улсын хүчирхэг  багийг 5:5-аар тэнцэж ялалт байгуулсан. Гэвч эмэгтэй бөхчүүд маань "А" хэсгийн сүүлийн барилдаанаа Украины багтай хийж 3:7-оор хожигдол хүлээв.

       Дэлхийн цомын 50 кг-ын жинд Д.Отгонжаргал, Украины Оксана Ливачийг 8:2-оор ялав. Үүний дараа 53 кг-д  Г.Отгонжаргал, Олля Альбинааг 6:4-өөр ялж багийн ялалтыг 2:0 болгосон байна. Харин 55 кг-д Б.Болортуяа, Алина Грушинад цэвэр ялагдав, мөн 57 кг-д Б.Эрдэнэсувд, Юлия Ткачид цэвэр ялагдаж багийн ялалтын харьцааг 2:2 болгон тэнцүүлжээ.

     Үүний дараа 59 кг-д Э.Даваачимэг, Ирина Бондарт мөн  цэвэр ялагдаж ялалтыг 3:2 болгосон байна. Харин 62 кг-д С.Цэрэнчимэд, Ирина Коляденко 12:7-оор хожиж 3:3 болгон тэнцүүлэв. Гэтэл 65 кг-д П.Орхон, Катерина Зелених 10:12-оор, 68 кг-д Ө.Пүрэвсүрэн, Тетяна Рижкод 2:5-аар, 72 к-д: Э.Даваанасан, Ала Белинська 5:6-аар, 76 кг-д Э.Цэвэгмэд, Анастасия Осняч цэвэр ялагдаж 3:7-оор манай баг ялагдал хүлээжээ.

       Харин  Япон, Украины багийн барилдаан 5:5-аар тэнцэж Украин нэмэлт оноогоор илүүрхэн хожил авсан байна. Ийнхүү Хятадын баг Украинтай аваргын төлөө, Монголын шигшээ АНУ-тай хүрэл медалийн төлөө барилдахаар боллоо.