• Өнөөдөр 2025-09-16

Эмэгтэй бөхчүүд японы хүчирхэг багийг ялжээ

2022-12-11,   398

 

    Дэлхийн цомын тэмцээнд Монголын эмэгтэй бөхчүүд Япон Улсын хүчирхэг  багтай 5:5-аар тэнцэж онооны чанараар ялалт байгуулжээ. Бүсгүйчүүд маань "А" хэсгийн сүүлийн барилдаанаа Украины багтай хийх юм байна. Дэлхийн цомын 50 кг-ын жинд  Ханано Сакүрай, Д.Отгонжаргалтай  3:3-аар тэнцэж, сүүлийн оноогоор Д.Отгонжаргал ялалт авчээ. Харин 53 кг-д Рино Катаока 5:1-ээр Г.Отгонжаргалыг ялж багийн ялалтын харьцааг 1:1 болгон тэнцүүлсэн байна.

     Улмаар 55 кг-д Моэ Киёока  6:4-өөр Б.Болортуяа ялж, 2:1-ээр япончууд тэргүүлж эхэлсэн байна. Түүний дараа 57 кг-д Рүка Натами 3:1-ээр Б.Эрдэнэсувдыг ялж японы баг 3:1-ээр тэргүүлсэн хэвээр байв.  Химэка Тохүхара 57 кг-д Э.Даваачимэгийг  5:3-аар хожиж, багийн ялалтын харьцааг 4:1 болгон холдуулжээ.  

     Харин 62 кг-ын жинд барилдсан С.Цэрэнчимэд, Юи Саканог 7:5-аар ялж  багийн ялалтыг 4:2 болгож, түүний дараа 65 кг-д П.Орхон, Мию Имайг 9:4-өөр буулган авч багийн ялалтын харьцааг 4:3 болгон ойртуулсан байна. Үүний дараа Ө.Пүрэвсүрэн 68 кг-ын жинд Күми Кобаяшиг цэвэр дарж, багийн ялалтыг 4:4 болгон тэнцүүлжээ.

    Харин 72 кг-д Юүка Фүжикүра барилдах байсан. Э.Даваанасан өрсөлдөгч нь гарч ирээгүй учир ялалт авч манай улсын баг 4:5-аар тэргүүлж эхэлжээ. Түүний дараа 76 кг-д Нодока Ямамото, О.Бурмаа 2:0-ээр ялж багийн ялалтыг 5:5 болгон тэнцүүлсэн боловч онооны чанараар манай эмэгтэй баг ялалтыг авч чаджээ.

 


Эмэгтэй бөхчүүд японы хүчирхэг багийг ялжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.