• Өнөөдөр 2023-02-01

Х.Хонгорзулын дэлхийн аваргын өргөлт өнөөдөр эхэлнэ

2022-12-09,   101

 

       Колумбын нийслэл Богота хотод энэ сарын 5-16-ны хооронд хүндийг өргөлтийн ДАШТ болж байна. Энэ удаагийн тэмцээн эрэгтэйчүүдийн 87, эмэгтэйчүүдийн 30 дахь удаагаа зохион байгуулагдаж байгаа юм. Энэ жилийн тэмцээнийг БНХАУ-ын Чунцинд зохион байгуулах төлөвлөгөөтэй байсан ч гуравдугаар сард Хятад Улс цар тахлын улмаас тэмцээнийг явуулж чадахгүй болсноо зарласан. Ингээд 2022 оны дөрөвдүгээр сарын 23-нд Олон улсын хүндийг өргөлтийн холбооноос Боготаг сонгож байгаагаа мэдэгдсэн билээ.

      Энэ удаагийн ДАШТ 2024 оны Парисын олимпын эрхийн урьдчилсан тэмцээнүүдийн нэг юм. ДАШТ-д ОХУ, Беларусын багийг Украины дайны улмаас оруулаагүй бол өнгөрсөн аравдугаар сард Хойд Солонгосыг мөн оролцох эрхийг нь хассан юм. Түүнчлэн арваннэгдүгээр сарын 24-ний өдөр Пакистан, Малайзын шигшээ баг тэмцээнд оролцохгүй гэдгээ мэдэгдсэн.

     Тэмцээнд Монгол Улсаас Үндэсний шигшээ багийн дасгалжуулагч Ц.Хосбаярын удирдлага дор гавьяат тамирчин М.Анхцэцэг 87 кг-ын жинд, ОУХМ О.Дархижав 76 кг-д, Г.Ануужин 64 кг-д, Э.Энхтамир 55 кг-д, Б.Хонгорзул 59 кг-д өрсөлдөж байна. Манай тамирчдын өрсөлдөөн өчигдрөөс эхэлж, Э.Энхтамир 55 кг-ын жинд тэмцээний салхийг хагаллаа.

    Тэгвэл өнөөдөр 59 кг-ын жинд Б.Хонгорзул өрсөлдөнө. Манай тамирчин “D” группт өрсөлдөх ба энэ группт хамгийн олон буюу 190 орчим тамирчин бүртгүүлжээ. Харин Г.Ануужин 64 кг-д орон нутгийн цагаар 2022.12.10-ны 19:00 цагаас буюу Монголын цагаар  энэ сарын 11-ний өглөөний 08:00 цагаас түүний өргөлтийн тэмцээн эхэлнэ.

     ОУХМ О.Дархижав 76 кг-д арванхоёрдугаар сарын 14-ний шөнө буюу 24:00 цагаас Монголын цагаар түүний тэмцээн эхлэх юм.  М.Анхцэцэг арванхоёрдугаар сарын 15-ны 08:00 цагаас Монголын цагаар тус тус дэлхийн аваргын төлөө өрсөлдөнө юм.  Хүндийг өргөлтийн насанд хүрэгчдийн ДАШТ-ээс М.Анхцэцэг 2021 онд алтан медаль хүртсэн ба өмнө нь 2017, 2019 онд хүрэл медальтай ирсэн нь Монголын туйванчдаас хамгийн оргил амжилтад тооцогддог билээ.

 

 


Х.Хонгорзулын дэлхийн аваргын өргөлт өнөөдөр эхэлнэ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188