Колумба Улсын Богота хотноо хүндийн өргөлтийн насанд хүрэгчдийн 2022 оны  “IWF”-ийн дэлхийн аварга шалгаруулах тэмцээн эхэлсэн. Энэ удаагийн дэлхийн аварга арванхоёрдугаар сарын 5-16-ны өдрүүдэд болно. Энэ удаагийн дэлхийн аваргад 95 орны 545 тамирчин өрсөлдөж байна.

       Эмэгтэйчүүдийн 55 кг-ын жинд манай тамирчин Э.Энхтамир өнөөдөр оролцсон юм. Хүндийн өргөлтийн дэлхийн аваргын эмэгтэйчүүдийн 55 кг-ын жингийн алтан медалийг Филиппин Улсын тамирчин HIDILYN DIAZ хүртжээ. Тэрбээр огцом өргөлтөөр 93 кг-ыг, түлхэлттэй өргөлтөөр 114 кг, нийлбэр 207 кг-ын амжилтаар алтан медаль хүртэж, дэлхийн аварга болсон байна.

      Харин  Колумба Улсын тамирчин  ROSALBA E. MORALES огцом өргөлтөөр 89 кг, түлхэлттэй өргөлтөөр 110 кг, нийлбэр 199 кг-ын амжилтаар мөнгөн медаль авчээ. Мехсик Улсын тамирчин ANA G. LOPEZ FERRER огцом өргөлтөөр 90 кг, түлрэлттэй өргөлтөөр 108 кг, нийлбэр 198 кг-ын амжилтаар хүрэл медаль хүртжээ.