Монголын үндэсний бөхийн холбоо “SPS” телевизтэй хамтран зохион байгуулж буй Үндэсний “Алтан цом”-ын төлөөх цуврал барилдааны хоёрдугаар шатны тав дахь өдрийн барилдаанд Баянзүрх дүүргийн баг Завхан аймгийн багтай учраа тааран барилдлаа.

     Завхан аймгийн баг 19:6-аар илт давуу ялж, шигшээ наймд шалгаран шагналын таван сая төгрөгөө гардаж авлаа. Тус багт  улсын заан М.Лхагвагэрэл таван даваа, сэлгээгээр орсон улсын харцага Л.Лха-Очир гурван даваа, улсын харцага Д.Бат-Эрдэнэ гурван даваа, улсын харцага Ш.Пүрэвгарьд гурван даваа, улсын начин М.Чимэдвандан дөрвөн даваа, улсын начин Т.Дүгэрдорж нэг даваа авсан байна.

     Харин Баянзүрх дүүргийн багаас улсын начин Ж.Ням-Эрдэнэ нэг даваа, улсын начин Э.Энх-Амгалан нэг даваа, аймгийн арслан Б.Тайван нэг даваа, аймгийн арслан Б.Нямсамбуу нэг даваа, аймгийн заан Б.Даваадалай хоёр даваа, сэлгээгээр орсон аймгийн заан Э.Өлзийбаяр  даваа авч чадаагүй юм.