ОХУ-ын Москва хотод энэ сарын 3-ны өдөр сүмо бөхийн "Хамтын нөхөрлөлийн цом" олон улсын тэмцээн боллоо. Энэ удаагийн тэмцээнд манай улсаас таван тамирчин оролцсон байна. Тэмцээнд ОХУ, Беларусь, Иран, Монгол, Кыргызстан, Серби, Тажикстан, Гүрж, Армен зэрэг орны 200 гаруй тамирчин эрэгтэйчүүдийн 70, 77, 85, 92, 100, -115, +115 кг, эмэгтэйчүүдийн 50, 55, 60, 65, 73, -80, +80, үнэмлэхүй гэсэн тус бүр найм, нийт 16 жинд өрсөлджээ.

       Тус тэмцээний хувийн барилдааны -115 кг-ын жинд дэлхийн тулааны спортын наадмын мөнгөн медальт, дэлхийн хошой аварга Баасандоржийн Бадрал  хүрэл медаль хүртсэн байна. Харин даян аварга Н.Батсуурь, аймгийн арслан Н.Ганзориг, Э.Мөнх-Эрдэнэ нар багийн барилдаанд түрүүлжээ.