"Катар 2022" ДАШТ-ий “H” хэсэгт таарсан Өмнөд Солонгос болон Португалын шигшээ багууд хэсгийн сүүлийн тоглолтоо хийж 2:1 харьцаатай оноогоор Өмнөд Солонгосын баг хожил авлаа. Тоглолт эхлээд удалгүй Португалийн довтлогч Рикарду Хорта гоол оруулж, Солонгосыг хүнд байдалд оруулсан. Гэхдээ тэд 27 дахь минутад Ким Ун Ёны гоолоор тооны харьцааг тэнцүүлсэн юм.

      Өмнөд Солонгос тэнцвэл тэмцээнээ дуусгах байв. Тийм болохоор солонгосчууд эцсээ хүртэл довтолсоор байлаа. Тэдний тэмцэл үр дүнгээ өгч нэмэлт тоглолтын эхний нэг дэх минутад Хван Хи Чан гоол оруулж Өмнөд Солонгосын баг хожлоо.

      Өмнөд Солонгосын баг 1954 онд анх удаа дэлхийн аваргад оролцож байжээ. Өмнөд Солонгосын шигшээ багийн дээд амжилт нь 2002 оны ДАШТ дөрөвдүгээр байрт орж байв.  Харин  2018 оны дэлхийн аваргаар хэсгээсээ гарч чадаагүй юм.  Тэд 2022 оны Катарын дэвжээн дээр Уругвай, Ганыг ардаа хийж шөвгийн 16-д шалгарлаа. Ийнхүү Ази тивийн төлөөлөл Өмнөд Солонгос, Япон, Австралийн багууд шөвгийн  16-д тоглох эрхтэй боллоо.