"Катар 2022" ДАШТ-ий “E” хэсэгт таарсан Испани болон Японы шигшээ багууд хэсгийн сүүлийн тоглолтоо хийж, 2-1-ийн харьцаатай оноогоор Япон Улсын баг хожлоо.

Япончууд зайлшгүй хожих шаардлагатай тоглолтын эхэнд оноо алдсан. Гэвч хоёрдугаар үе эхлээд удаагүй 48, 51 дэх минутуудад Рицү Доан, Ао Танака нар гоол оруулж япончуудад хэсгээс гарах эрхтэй болсон юм. Ийнхүү Японы баг шөвгийн 16-д Хорватын багтай, Испани, Мароккогийн багтай тоглохоор боллоо.

Япончууд түүхэндээ анх удаа  хэсгээ оноогоор тэргүүлсэн байна. Тэд энэ удаа зургаан оноо авч “Е” хэсгээ тэргүүлсэн бол Испанийн баг дөрвөн оноогоор хэсгийн хоёрдугаар байраар гарсан. Энэ хэсгээс Герман, Коста Рикагийн багууд хасагдан нутаг буцах болов.