Япон Улсаас Монгол Улсад суугаа Элчин сайдын нэрэмжит "Жүдо сурагч" тэмцээн энэ сарын 25-27-ны өдрүүдэд Улаанбаатар хотод болно. Тэмцээн “Алдар” спорт хорооны зааланд зохион байгуулагдана. Тэмцээн бага, дунд, ахлах гэсэн гурван ангиллаар явагдах юм. Бага насны ангилалд 2010 оноос хойш төрсөн хүүхдүүд орно. Энэ ангилалд өчих , боох мэхийг хориглоно. Хөвгүүд -27, 30, 34, 38, 42, 46, 50, 55, -60, +60 кг-ын жинд, охид -32, 36, 40, 44, 48, 52, -57, +57 кг-ын жинд өрсөлдөнө.

       Харин дунд насны ангилалд 2008, 2009 онд төрсөн хүүхдүүд барилдана. Өчих, боох мэхийг энэ ангилалд мөн хориглож байгаа. Хөвгүүд -34, 38, 42, 48, 50, 55, 60, 66, -73, +73 кг-д, охидын тэмцээн -40, 44, 48, 52, 57, -63, +63 кг-ын жингийн ангиллаар  явагдана. Ахлах насны ангилалд 2005, 2006, 2007 онд төрсөн хүүхдүүд оролцоно. Хөвгүүд -50, 55, 60, 68, 73, 81, -90, +90 кг-д, охид тэмцээн -40, 44, 48, 52, 57, 63, -70, +70 кг-ын жингийн ангиллаар явагдах юм.