Японы мэргэжлийн сүмо бөхийн арваннэгдүгээр сарын кюүшү башёгийн найм дахь өдрийн барилдаан өндөрлөж, ес дэх өдрийн барилдаанаар өнөөдөр үргэлжилнэ. Энэ сарын барилдаан Тэрүнофүжи Г.Ган-Эрдэнэ аварга башёг өнжсөн. Аваргын эзгүйд түрүү бөхийн өрсөлдөөн ширүүн өрнөж байна. Найм өдрийн дараах байдлаар Секиваке Хошёорюү С.Бямбасүрэн, Такаяасү, Аби, Охо нарын гурван маэгашира цолтнуудын хамт долоон даваа, нэг унаатайгаар башёг тэргүүлж явна.

       Энэ удаагийн Кюүшү башёд 18 монгол бөх дөрвөн зиндаанд хүч үзэн барилдаж байгаа.  Дээд зиндаанд Хошёорү С.Бямбасүрэн долоон даваа, нэг унаатай. Харин Тамаваши Б.Мөнх-Оргил нэг даваа, долоон унаатай, Кирибаяма Б.Лхагвасүрэн таван даваа, гурван унаа, Ичиножо А.Ичинноров хоёр даваа, зургаан унаа, Чиёошома Г.Мөнхсайхан гурван даваа, таван унаа, Азүмарюү С.Тодбилэг дөрвөн даваа, дөрвөн унаатай явна.

   Жүрёо зиндаанд Миторюү Б.Төрболд дөрвөн даваа, дөрвөн унаатай,Хокүсэйхо Э.Даваанинж таван даваа, гурван унаатай, Оошёоүма П.Дэлгэрбаяр зургаан даваа, хоёр унаатай байна.

     Макүшита зиндаанд Дэванорюү Т.Тэмүүлэн хоёр даваа, хоёр унаатай, Хокүтэнкай Г.Сүхбат нэг даваа, гурван унаатай, Тамашохо Э.Энхманлай дөрвөн даваатай, унаагүй явна. Хокүтомахү Н.Чинзориг гурван даваа, нэг унаатай, Араүма Б.Төртогтох хоёр даваа, хоёр унаатай байгаа.

     Санданмэ зиндаанд Токисомэ Б.Анхбаяр нэг даваа, гурван унаатай, Саданохикари Д.Наранцогт гурван даваа, нэг унаатай, Котокэнрюү Билгүүн гурван даваа нэг унаатайгаар башёг үргэлжлүүлж байна.