Монголын үндэсний паралимпын хорооноос “Спорт дахь жендерийн эрх тэгш оролцоог хангах тухай” сэдэвт сургалтыг паралимпын тамирчдын дунд зохион байгуулав. Сургалтаар жендерийн шинжээч М.Мөнхсаруул “Жендерийн тухай ойлголт”, Эмэгтэй удирдагч сангийн тэргүүн М.Болормаа “Жендерийн тэгштгэл хандлага ба тамирчдын эрх”, Биеийн тамир, спортын улсын хорооны Гадаад харилцаа, мэдээллийн технологийн хэлтсийн дарга Н.Оюунбат “Спорт дахь жендерийн эрх тэгш байдлыг хангах тухай” сэдвээр илтгэл тавив.

    “Парис-2024” зуны паралимпын наадамд амжилттай оролцох хөтөлбөрийг хэрэгжүүлэх хүрээнд Монголын үндэсний паралимпын хорооноос тамирчдын ёс зүй, сахилга батыг сайжруулахад анхаарч, тамирчдын боловсролыг дээшлүүлэх, нийгэмд эерэг хандлага төлөвшүүлэх хүрээнд Биеийн тамир, спортын улсын хороотой хамтран энэхүү сургалтыг зохион байгуулж байна.