АБЭУ-ын  Абу Даби хотноо болж буй жюү жицүгийн дэлхийн аварга шалгаруулах тэмцээн Монгол Улсаас 53 хөвгүүд  өрсөлдөж гурван алт, гурван мөнгө, дөрвөн хүрэл медаль хүртлээ.  “WORLD PRO JIUJITSU CHAMPIONSHIP 2022” тэмцээний дөрөв дэх өдөр өсвөр үеийн хөвгүүдийн ДАШТ болж өндөрлөв.

       Дэлхийн аваргын улбар шар, ногоон бүсний ангилалд “Баялаг дэвжээ”-ний Э. Бат-Эрдэнэ 62 кг-ын жинд алтан медаль,  “112 fight academy”-ийн Б. Билгүүнтэй 45 кг-д  хүрэл медаль авчээ. Шар бүсний  ангиллын 66 кг-ын жинд  “Ральф Грэйси Монгол академи”-ийн тамирчин Д.Чингүүнжав  алтан медаль хүртжээ .

     Харин “Их шавь”  дэвжээний  Б. Амгаланбаатар 84 кг-ын жинд мөнгөн медаль,  Б. Бат-Эрдэнэ 72 кг-д хүрэл медаль, “Баялаг” дэвжээний Б.Өрнүүнбилэг 62 кг-д хүрэл медаль, Д.Мөнгөн-Очир 78 кг-д хүрэл медаль авсан байна. Саарал бүсний ангиллын 66 кг-ын жинд  “Ральф Грэйси Монгол академи”-ийн Б.Энхбат алтан медаль, “Ид шидийн орон Magic13” клубийн  Ч. Чинзориг 42 кг-д мөнгөн медаль, Архангай аймгийн Б.Жавхаамандах 62 кг-д мөнгөн медаль тус тус хүртжээ.