УИХ-ын гишүүн асан Ардчилсан намын гишүүн Ц.Оюунгэрэл намаасаа гарах өргөдлөө өгчээ. Энэ талаараа өөрийн албан ёсны цахим хуудаснаа "Улс төрийн амьдралд шинэ хуудас эхлүүлэхийн тулд 29 жил нэг сарын турш хамт байсан Ардчилсан намаасаа гарлаа. Шинэ платформын тухай өнөөдөр 19:30 цагт шууд дамжуулалтаар танилцуулна" гэжээ.  

Тэрбээр Ардчилсан намын даргад нэр дэвшиж, намаасаа Ерөнхийлөгчийн сонгуульд өрсөлдөх сунгаанд оролцож байсан. Гэвч Ардчилсан намаас Ерөнхийлөгчийн сонгуульд нэр дэвших сунгаа алдаатай, будилаантай явагдсан гэж үзэж байгаагаа илэрхийлсэн байдаг.