О.Алтангэрэл: Цагдаагийн байгууллага 6000 гаруй орон тоо, шийдвэр гүйцэтгэх байгууллага 1800 дутуу байна

2024-12-11, 889

2025 оны төсвийн төслийн хоёр дахь хэлэлцүүлгийг хийж байгаа энэ үед ХЗДХ-ийн сайд О.Алтангэрэл байр сууриа илэрхийллээ.

Тэрээр "Төсвийн ажлын хэсгийнхэн маань сайхан санаачлагууд гаргажээ. Гэхдээ попорч байснаараа тэр санаачлагуудаа хэрэгжүүлэхдээ хэрэггүй зардлуудаас танахын оронд хууль сахиулах байгууллагын хуулиар хүлээсэн орон тоог бүхэлд нь хасах юм байх. Цагдаагийн байгууллага өнөөдөр 6000 гаран орон тоо дутуу, шийдвэр гүйцэтгэх байгууллага 1800 дутуу. Эдгээр дээр бусад байгууллагын шаардлагатай орон тоог нэмвэл 8500 орчим. Үүнээс 1700 орон тоог нэмье гэснээс бид санаачлагаараа 500-г нь хасъя гэсэн санал гаргаад байтал нөгөө ажлын хэсэг нь 100 хувь хасах юм гэнэ. Попролтынхоо төсвийг өөр хэрэггүй өчнөөн зүйлээс хасахын оронд цагдаа, дотоодын цэрэг, хууль сахиулахынхны орон тоог хасаж гаргах юм гэнэ.

Үүний төлөөс нь иргэдийн аюулгүй байдал, хүний эрх, хууль сахиулах үйл ажиллагаа болох юм. Хамгийн их томилолтоор явдаг цагдаа, хилийн цэргийн дотоод томилолтыг бусадтай нь хамт 50 хувиар хассан, хамгийн их цаас хэрэглэдэг хуулийн байгууллагуудын бичиг хэргийн зардлыг 50 хувь хасчихсныхаа дараа шүү дээ. Салбарын сайдын хувьд ийм зүйлтэй эвлэрэхгүй. Цэргийнхээ хоолыг булаалгаад өөрөө жаргадаг жанжин гэж байхгүй. Эрхэм гишүүд маань төсвийн байнгын хороо, нэгдсэн чуулганд эрэмбэ, хэрэгцээнд үндэслэсэн шийдвэр гаргана гэж найдна. Энэ салбарын олон мянган мөрдөстөнгүүд эх орондоо, ард түмэндээ тангарагаа өргөөд зүтгэдэг юм шүү. Тангарагтай гээд бүү дорд үзээрэй. Жишээ болгож дотоодын цэргийн нэмэгдэх орон тооны жагсаалтыг хавсаргав. Ганцхан Улаанбаатарын биш орон нутгийн иргэд ч цэвэр усны хангамжаа хамгаалуулах эрхтэй. Орон нутгийн цэвэр усны хангамжын аюулгүй байдлыг хамгаалахаар төлөвлөж буй дотоодын цэргийн орон тоо. УЭХҮ=усны хангамжын эх үүсвэр. Хэрэглэдэггүй үгээ мөрдөс зүүсэн олон мянган алба хаагчдынхаа өмнөөс нэг удаа хэрэглэж та бүхнээсээ гуйя, шэйрлэж түгээгээд өгөөрэй" хэмээжээ.

О.Алтангэрэл: Цагдаагийн байгууллага 6000 гаруй орон тоо, шийдвэр гүйцэтгэх байгууллага 1800 дутуу байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2

Сэтгэгдэл үлдээсэн: 2024-12-12 15:20:17

зочин : энэ өнгөрсөн жилүүдэд цагдааг ямарч эрх мэдэлгүй ажилаа хийж чадахаа больсон хулгайч нарын бодлого
Сэтгэгдэл үлдээсэн: 2024-12-12 14:29:49

Sodoo: Ene ih olon myangan tsagdaa tejeegeed nemer baina uu

Шинэ мэдээ

Нийтлэлчид