Ардчилсан намын дарга Лу.Гантөмөр албан ёсны цахим хуудсаараа дамжуулан мэдэгдэл хийлээ.

                            Тэрбээр мэдэгдэлдээ “МАН одоо болно, арай хэтэрч байна. Сүүлийн үеийн хар пи-ар чинь юу юм бэ. Та нар бусдыг хараар будлаа гээд өөрсдөө цагаарах юм уу. Цагаардаг бол хамаагүй буд. Харамсалтай нь, тийм юм байхгүй. Бүтэн найман жил монголчууд та нарт итгэсэн. Та нар хуураад саналыг нь авсан гэж бодож байгаа. Үгүй, итгээд өгсөн. “Монголыг босгоод ирэх юм байна”, “Хөгжүүлэх юм байна”, “Шударга ёс тогтоочих юм байна”, “Баялагтаа эзэн болгочих юм байна”, “Монголыг нэг зүг рүү харуулаад, урагш алхчих юм байна” гэж та нарт санал өгсөн. Харин харамсалтай нь та нар өнөөдөр доромжлоод сууж байна. Дахиад доромжлоод, дахиад адгийн улс төр хийж байгаад ялахыг хүсээд байна. Одоо наадахаа боль. Тахимаа өгч сур. Одоо больсон нь дээр. Үнэхээр Монголын хөгжлийн тухай ярь л даа. Залуу хүмүүс шүү дээ, та нар. Монгол яаж хөгжих вэ, яаж босож ирэх вэ, яаж монголчууд урагшаа алхах вэ. Монголдоо амьдармаар байна шүү дээ. Монгол залуус дүрвээд дууслаа. Монголдоо орлогоороо амьдармаар байна, залуус. Үнэхээр орлого нь хүрэхээ болилоо. Энэ хүнд хэцүү үед монголчууд эвлэж, нийлж гарах ёстой байтал та нар яаж байна. Хагалж, хувааж, бутаргаж байна. Одоо зогсоо, болсон шүү” гэжээ.