Хууль зүй, дотоод хэргийн сайд Б.Энхбаярын “Авлигатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөө батлах тухай” тогтоолын төслийг Байнгын хороогоор хэлэлцүүлж байх үеэр хийсэн мэдээллээс онцлох эшлэл хүргэж байна.

 Авлигачдаас мөнгө авдаг, авсан мөнгөөрөө өрсөлдөгчдөө намнах ажлыг хийж байна. Хулгайн мөнгөөр гараа цустсан хүмүүс бий.

Нүүрсний сонсголын үеэр цөөн хэвлэл дуугарсан. Энэ бол Монголын сэтгүүл зүйг худалдаж авсан гэсэн үг. Иргэний нийгмийн байгууллага, хуулийн байгууллага, төрийг, өрсөлдөгч намаа хүртэл худалдаж авч байна.

Авлигатай тэмцэх тэмцэлд манлайлж байгаа хүмүүсийг Их хуралд дэвшүүлэхгүй гэж хуурай агсамдаг болтлоо даварч байна.

Ерөнхий сайд, МАН-ын даргын хэлсэн "Хүчин мөхөствөл ард түмэнтэйгээ нэгдэнэ" гэдэг үгийн учиг одоо тайлагдаж байна. Энэ сэтгэл хөдлөлөөр хэлсэн хоосон үг байгаагүй. Авлигатай тэмцэхэд журмын нөхдөөсөө эхэлнэ гэдэг нь ч хоосон үг байгаагүй. 

"Ерөнхий сайд шударга ёсыг тогтооход миний бие хуулийн илд болно" гэдэг үг ч сэтгэл хөдлөлөөр хэлчихсэн үг биш. 

Авлигатай тэмцэх бодлогын бичиг баримт өргөн хүрээний асуудал.

Хуулийн байгууллагад хэрэг маргааныг хянан шийдвэрлэх ажиллагаанд би оролцохгүй. Оролцохгүй гэдэг нь нүдээ таглаад чихээ бөглөчихсөн юм биш. Шалгуулж байгаа хэрэг дээр нөлөөлөл үзүүлчих гээд байгаа учраа Үндсэн хуульд үнэнч байх зарчмаа баримталж байна. 

Одоо болтол хэрэг нь тодорхой болчихсон 100 тэрбум төгрөгийн авлигын асуудал дээр хуулийн байгууллага чимээгүй байгаад байгаа шүү.

Ямар нэг байдлаар хонгилддог схем угсрагдсан. Энэ нь өв залгамжлагдаад явж байгаа жишээ олон байна. Хууль зүйн сайдын нэрийг барьж тодорхой хэрэг "шантааж" хийсэн асуудлыг дотооддоо шалгаж байна.

Нэг улстөрчийг нэг хүн 500 сая төгрөгийн захиалга өгч сошиал булли хийж байна.