Засгийн газрын хуралдаанаас гарсан шийдвэрүүдийг танилцуулж байна.

        Энэ үеэр Нийслэлийн засаг дарга бөгөөд Улаанбаатар хотын захирагч Х.Нямбаатар: “Өнөөдөр Улаанбаатар хотод нэг сая 700 мянган хүн бүртгэлтэй байна. Энэ нь засаг захиргаа, нутаг дэвсгэрийн нэгжийг шинэчлэх хэд хэдэн хүчин зүйлийг нөхцөлдүүлж байна. Бүх үйлчилгээ, их, дээд сургууль, төрийн байгууллага нэг дор төвлөрсөн байгаа нь түгжрэлийг бий болгож байгаа.Нийслэлийн гурван дүүрэг алслагдсан газарт бий. Та бүхэн санаж байгаа бол 2014 онд эдгээр дүүргүүдэд захирагчийн сонгууль явуулж, дагуул хот болгох эхлэлийг тавьж байсан.  Гэвч харамсалтай засаг захиргааны нэгжийн эрхийг шилжүүлэх Үндсэн хуулийн эрх зүйн байдал бүрдээгүй байсан.

  Нийслэлийн Засаг даргын нэгдүгээр орлогч П.Сайнзориг: Цаашдаа Улаанбаатар хотын хүн амын тэлэлт, төрийн үйлчилгээг иргэддээ ойртуулахын тулд анхан шатан дээр эрх мэдлийн олгох. Нийслэлд төвлөрч буй эрхийг хороо руу шилжүүлнэ. Үндсэн хуульд 2019 онд орсон өөрчлөлтийн хүрээнд дүүргүүдийг хот болгож зохион байгуулалт хийх. Цаашдаа хот өөрөө зөвлөлтөө болгож, захирагчийг нь иргэдээс сонгох. Энэ хууль эрх зүйн орчныг нийслэлчүүддээ бүрдүүлж өгөх зэрэг ажлуудыг хийх төлөвлөгөөтэй байгаа.