Эмийн үнийн өсөлтийг хянан шалгах Түр хорооны нотлох баримтыг шинжлэн судлах сонсгол үргэлжилж байна. Сонсголоор Түр хорооны гишүүд шинжээчдээс асуулт асууж, хариулт авч байна.

УИХ-ЫН ГИШҮҮН Д.БАТЛУТ: Хүний эмийн зөвлөл гэж байна. Үүнийг хэн ямар шалгуураар, хэн томилж байна вэ. Салбар зөвлөлийг бас хэн томилж, ямар чиг үүргээр ажиллаж байгаа вэ. Олон улсын чанар стандартыг хангасан үйлдвэр гэж байна уу. Нийт эмийн 79 хувь нь импортоор, 21 хувь нь дотоодод үйлдвэрлэсэн байдаг юм байна. Үүнээс хэчнээн тооны эм бүртгэлгүй орж ирдэг юм. Зайлшгүй шаардлагатай эмийн жагсаалтыг зөв тодорхойлсон уу. Зайлшгүй шаардлагатай эмийн жагсаалтад ашиг сонирхлын зөрчил байдаг гэх мэдээлэл бий. Энэ үнэн үү.

ШИНЖЭЭЧ: Хүний эмийн зөвлөлийн томилгооны эрх зүйн зохицуулалт нь тодорхой бус 2024 оны нэгдүгээр сард ажиллах журмыг багталж байсан. Үүний талаар гурав дахь өдрийн танилцуулахаар бэлдсэн. Мөн эмийн  40 үйлдвэрээс ес нь GMP шаардлага хангаж байгаа. Тусгай зөвшөөрөлгүй эмийн үйлдвэр ч байна. Зайлшгүй шаардлагатай эмийн жагсаалтыг гаргахдаа жагсаалт баталдаг. Гэтэл зайлшгүй шаардлагад оруулах эмийг бүртгэлд оруулсан асуудал байна.