Ерөнхий сайд Л.Оюун-Эрдэнэ “Улаанбаатараас ярьж байна” нэвтрүүлгийн үеэр Ерөнхийлөгч асан Ц.Элбэгдоржийн талаар хэд хэдэн баримт дурдсан. Энэ талаар Ерөнхийлөгч асан Ц.Элбэгдорж цахим хаягаараа дамжуулан мэдээлэл хийсэн билээ. Түүний Ерөнхий сайдад хандсан мэдэгдлээс онцлох эшлэлийг хүргэж байна.

Оюун-Эрдэнийн эвлүүлсэн рекламыг үзлээ. Чи их сандарч байгаа юм байна. Надтай нүүр тулахаараа “Дүү чинь болъё” гэх нь холгүй байдаг. Надаас бусад нь чамд аюул гэж харагдахаа больжээ.

Чи эх орноо шорон шиг социализмын үеийнх шиг уурын зуух болголоо. Хүмүүс тэндээс гарч зугтахын түүс болж байна.

С.Зоригийн аллагыг мөрдөгчид илрүүлсэн, хууль шүүх тогтоосон. Тэр алуурчид одоо ч сэжигтэн хэвээр байгаа. Чи нэг л өдөр шалгагдана. С.Зоригийг алсан хэргийг санаатай будилуулдаг, алуурчидтай хамсаатан болсон этгээдүүд үргэлж сандралтай байгаа

Манай шүүхийн байгууллага чиний бодож байгаа шиг хямд, хялбархан хүмүүс биш. Тэд тусгайлан мэргэжлээрээ сурч, хууль барьж ажилладаг. Хуулийн мэргэжил өөрийн гэсэн онол арга зүй, дэс дараатай.

С.Зоригийг алсан хэргийг юу ч мэдэхгүй хөөрцөглөж, алуурчдыг нь ивээлдээ авсан. Нийгэм тэр чигтээ харж байгаа.

Чи “Ковид-19”-ийг амжилттай давсан гэсэн тархи угаалтаар нэвтрүүлгээ эхлүүлсэн. Ковидоос болж монголчууд хэчнээн их зовж, шаналсныг албан тушаалтнууд яаж иргэдийг доромжилж байсныг яаж завшиж идэж уусныг чи мэдэхгүй байна гэж үү. Чамайг Монгол Улсын Ерөнхий сайд байхад манай улс хүн амдаа ноогдох ковидийн үхлээр дэлхийд тэргүүлсэн

Сангийн хуулийг  2014 онд би санаачлаад, УИХ-аар батлуулсан. Ирээдүй үедээ өр биш өв үлдээе гээд. Өмнөх байдлаараа явсан бол төгрөгөөр 16 их наяд төгрөгийн хадгаламжтай сан байх ёстой. Энэ этгээд тэр бүрэлдэж байсан хадгаламжийг ковидоор дамжуулж, хууль зөрчиж, хулгайлж идсэн.

Өөрөө Ерөнхий сайд байж шүгэл үлээнэ гэнэ ээ. Төр, төрийнхөө алба хаагчид руу дайрна. Ард олон бухимдаж тэмцэхээр төлбөртэй гаруудаа турхирч, утгыг нь алдуулна. “Би та нартайгаа хамт” гэж хаалт бамбайн доороос жүжиглэнэ. Монгол аль нэг харь улс аюул тарих нь юу л бол.

Чиний оронд А.Амар гуай сууж байсан бол...