УИХ-ын нэгдсэн чуулганаар Үндэсний баялагийн сан болон хамт өргөн мэдүүлсэн хуулийн төслийг хэлэлцэх асуудлыг хэлэлцэж байна.

      Энэ үеэр УИХ-ын гишүүн Б.Бат-Эрдэнэ “Л.Оюун-Эрдэнийн тэргүүлсэн Засгийн газрын хамгийн анх авч хэрэгжүүлсэн арга хэмжээ бол нүүрс тойрсон далд эдийн засгийг ил болгох, нүүрс тойрсон авлигал хулгай, дийлдэхгүй байгаа бух хар чулууг хөдөлгөх, зайлуулах том ажил байсан. 2008 оноос хойш Оюутолгойн том ордын хөрөнгө оруулалтын гэрээ бол Монголын талд ашиггүй гэж тухайн үеийн гишүүд УИХ-д асуудлыг тавьсан. Бид нам харгалзахгүй тэмцэж байж зарчмын ач холбогдолтой тогтоолыг батлуулсан. Энэ арав гаруй жилийн хугацаанд үе үеийн Парламентын цуцалтгүй тэмцлийн үр дүнд олон Түр хороо, Ажлын хэсэг Ерөнхий сайдуудад асуулга тавьж, бүхий л хүрээнд бид ажиллаж байсан. Ингээд 2020 оны байгуулагдсан УИХ-д санаачилга гаргаж, шаардаж байж Түр хороо байгуулагдаж хамгийн анхны алхам хийх бололцоо бүрдсэн. Өнөөдөр Оюутолгой ордоо тэр чигээр тавиад туусан бол бид ямар байх бол гэж боддог. Баялгийн реформын том ажил явж байгаа. Гэхдээ бид Стратегийн ач холбогдол бүхий ордод авахаар том ордуудыг 2012-2016 онд зүгээр хавтсанд хийгээд Их хурлын тогтоол болгоод авч байсан ордууд бий. Стратегийн 16 ордод эргэж авахаар том ордууд байгаа шүү. Оюутолгой, Дубай хоёрыг дахин зээлийн хавханд аваачиж хийхээр байсан асуудлыг 103 дугаар тогтоолоор хааж өгсөн. Өнөөдөр Монгол Улсын 33.6 тэрбум доллар дотор Аж ахуйн нэгжийн тавьсан 21.6 тэрбум долларын өр бий. Энэ дотор хэдэн тэрбум долларын өрийг Монголчуудын өрөнд тавиад байж байна. Энэ бол цаашид ахихгүй биз дээ” гэв.