Улаанбаатар хотоос Өмнөговь аймгийн чиглэлд зорчиж явсан "КIA Granbird" маркийн автобус Дундговь чиглэлийн автозамд "FAW" маркийн тээврийн хэрэгсэлтэй мөргөлдөж, урьдчилсан байдлаар хоёр иргэн амиа алдаж, 22 иргэн гэмтсэн харамсалтай хэрэг гарсан. Осолд орсон 38 хүн нь “Монруд” уул уурхайн компанийн ажилчид байжээ.

   Энэ талаар тус компанийн ажилтнаас тодруулахад “Манай байгууллагынхан ажилчдынхаа эрүүл мэнд, амь насанд санаа зовж, тэр чиглэлд анхаарч ажиллаж байгаа учир мэдээлэл өгөх боломжгүй байна. Манай компанийн ажилчид гэрээгээр ажилладаг компанийн хоёр жолоочтой хамт явж байгаад осолдчихлоо. Тус компанийн хоёр жолооч газар дээрээ амиа алдсан харамсалтай хэрэг боллоо. Манай компанийнхан ажилдаа гарч байсан юм” гэв.