Ерөнхий сайд Л.Оюун-Эрдэнийн сэтгүүлч Б.Ганчимэгтэй хийсэн “Улаанбаатараас ярьж байна” нэвтрүүлэг өчигдрөөс телевизүүдээр цацагдаж эхэлсэн. Тэдний С.Зоригийн хэрэгтэй холбоотой хэсгийг эшлэн хүргэж байна.

- Хэн нэгэн С.Зоригийн хэрэгтэй холбоотой асуудлаар ямар нэгэн байдлаар нөлөөлөх гэж оролдвол надад шууд хэлээрэй. Би тэр хүнийг олон нийтэд зарлаж чадна гэдгийг Засгийн газрын хуралдаанаар хэлсэн.

- Хэний захиалгаар хэнд ашигтай учраас тэр хоёр хүнийг С.Зоригийг алсан хэмээн хуулийн байгууллага бүхэлдээ үзээд гурван шатны шүүхийн шийдвэр гарав. Буруугүй хүмүүсийг хуулийн байгууллага яагаад шүүхээр болов. 

-С.Зоригийн хэргийг хаахын тулд яагаад зохиомол хэрэг үүсгэчихсэн юм бэ гэдгийг Б.Хурц болон зарим прокуроруудыг үнэнээ хэлэх өдөр ирэх байх гэдэгт итгэдэг. Би тэднийг огт буруутгадаггүй. Тэд “Мэдье, гүйцэтгэе” гэж байгаа хүмүүс. Х.Баттулга Ерөнхийлөгч ч гэсэн үнэнээ хэлэх байх.

- Ц.Элбэгдорж Ерөнхийлөгч Х.Баттулга Ерөнхийлөгчид тамгаа гардуулж өгөхдөө “С.Зоригийн хэргийг битгий сөхөөрэй. Бусад бүх зүйл надтай хамаагүй” гэж хэлсэн байдаг.

-Ерөнхий прокурор нь "Эрдэнэт"-ийн захирал байсан Д.Дорлигжав. Ц.Элбэгдоржийн дараа томилогдсон шүүгч нар, Б.Хурц гэсэн системээр хоёр намыг мөнхөд хяналтандаа авахыг хүссэн бүлэглэл үүссэн гэсэн үг. “Эрдэнэт”-ийн 49 хувьтай холбоотой асуудал шүүх дээр яагаад гацаад байна вэ гэдэг асуудлыг Ч.Сайханбилэг оргосон гэж тайлбарладаг.

-Ерөнхийлөгч Ц.Элбэгдорж хоёр удаа сонгогдохын тулд МАН-ын саналыг хувааж, Удвалыг нэр дэвшүүлэх нууц төлөвлөгөө байсан. Албан бус төр буюу МАНАН систем гэж нэрлээд байгаа нь энэ. Шүүх, хууль хяналтын байгууллага дээр улстөрийн нам дээр ямар хүчтэй систем бэ гэдэг нь харагдаж байгаа. Сонгуулийн өмнө хичнээн бичлэг задардаг байлаа. Хуулийн дагуу хууль хяналтын байгууллага ажиллаж байгаа тийм даалгавар өгдөг хүн байхгүй учраас сонгууль болох гээд байхад ямар ч бичлэг цацагдахгүй байгаа.

-Улаанбаатарын газрыг хэн хэн авсан бэ гэдэг нь надад сонин биш. Хууль бусаар авсан гэдгийг нь дүгнэж зогсоох нь чухал.

-Н.Алтанхуяг надаас илүү нарийвчлалтай зүйлсийг мэдэж байгаа. Яагаад өнөөдрийн хүртэл энэ бүхнийг ярихгүй байгааг гайхдаг.

-Хөгжлийн банкнаас зээл аваад төлөхгүй байгаа этгээдүүд нь улс төрд нөлөө бүхий хүмүүс байгаа учраас Засгийн газар энэ асуудлыг дангаараа гаргаж тавиад дийлэхгүй.

-Өрөөнөөс нь хар тамхи илэрсэн гадаад нөхрийн газрын хувааж аваад, орон сууц барьчихсан. Хязгааргүй их мөнгөний эргүүлэг рүү орсон. Бизнес булаагдаж байсан зүйл өнгөрсөн найман жилд болсон.

-Манай намд байгаа дамчин бол М.Энхболд. Зуучлагч нь Ж.Бадамжунай. Улаанбаатар хотод баригдсан хорооллуудаас стандартын дагуу зөвшөөрөлтэй баригдсан барилга байхгүй. Бүгд авлигал өгөөд байшингаа барьчихсан.

-Богд уулын хорооллууд бүгд отог шүү дээ. Отог гэдэг майхантай төстэй буулгаж болдог аялал жуулчлалын бүтцээр барина гэж зөвшөөрөл олгосон.Отгууд нүдэн дээр сүндэрлэсээр байгаад төлөвлөлтгүй хороололууд бий болчихлоо.