Үндэсний аудитын газарт улс төрийн 27 нам, хоёр эвсэл мөрийн хөтөлбөрөө хүргүүллээ

2024-03-25, 612

Монгол Улсын Их Хурлын 2024 оны ээлжит сонгуульд оролцох улс төрийн 27 нам, хоёр эвсэл мөрийн хөтөлбөрт дүгнэлт гаргуулахаар Үндэсний аудитын газарт ирүүлсэн байна. Төрийн аудитын тухай хууль, Монгол Улсын Их хурлын сонгуулийн тухай хууль, Хөгжлийн бодлого, төлөвлөлт түүний удирдлагын тухай хуульд заасны дагуу УИХ-ын 2024 оны ээлжит сонгуульд оролцох нам, эвслийн мөрийн хөтөлбөрт дүгнэлт гаргахаар 2024 оны гуравдугаар сарын 22-оос 24-ний өдрүүдэд хүлээн авсан юм.

Мөрийн хөтөлбөрөө хүргүүлсэн нам, эвслийн нэрс /ирсэн дарааллаар/

Иргэдийн оролцооны нэгдэл нам /ИОНН/
Ард түмний Олонхийн Засаглал нам /АТОЗ/
Зүй ёс нам
Монгол Шинэчлэлт нам
Эх орон нам
Ард түмний хүч нам
ХҮН нам
Монголын либериал ардчилсан нам
Иргэний хөдөлгөөний нам
Эх орончдын нэгдсэн нам
Үнэн ба зөв нам
Сайн ардчилсан иргэдийн нэгдсэн нам
Социал демократ нам
Ардчилсан нам
Үндэсний эвсэл
Эрх чөлөөг хэрэгжүүлэгч нам
Шинэ нэгдсэн эвсэл /Шинэ нам, Монголын Уламжлалын нэгдсэн нам эвсэл/
Монгол Консерватив нам
Дэлхийн монголчууд нам
Ардчилал шинэчлэлийн нам
Гэр хороолол хөгжлийн нам
Бүгд найрамдах нам
Их Эв нам
Монголын хүний төлөө нам
Монголын либериал нам
Иргэний зориг ногоон нам
Хөгжлийн хөтөлбөр нам
Монгол Ардын нам
Эрх чөлөөний эвсэл нам /Зон олны нам/

Хүлээн авсан мөрийн хөтөлбөр нь холбогдох хуулийн шаардлага хангаагүй тохиолдолд 2024 оны дөрөвдүгээр сарын 10-ны өдрийн дотор тухайн нам, эвсэлд мэдэгдэж дөрөвдүгээр сарын 12-17-ны өдрүүдэд зөвлөмж өгч, алдаа зөрчлийг засуулан авна. 2024 оны дөрөвдүгээр сарын 26-ны өдөр Үндэсний аудитын газар нам, эвслүүдийн мөрийн хөтөлбөрт гаргасан дүгнэлтийг нэгтгэн Сонгуулийн ерөнхий хороонд хүргүүлнэ.

Үндэсний аудитын газарт улс төрийн 27 нам, хоёр эвсэл мөрийн хөтөлбөрөө хүргүүллээ

Шинэ мэдээ

Нийтлэлчид